Почетна 2018-03-29T11:48:31+00:00
VMTM 40K Official results 2018
VMTM 23K Official results 2018

ТРКИ

ШТО-КОЛКУ-КОГА

Членовите на ТРЕКС – охрабрени и поттикнати од успешниот Крали Марко Треилс – одамна планираат да организираат уште една голема трка во планинско трчање во Македонија. А изборот за локација, спонтано се наметна да бидат планината Водно и кањонот Матка: поголемиот дел од нашите членови живеат во Скопје и тоа го прави Водно наша секојдневна „вежбална“ и фактот дека потегот Водно – Матка изобилува со панорамска убавина, природни реткости и значајно културно богатство.

За првото издание на настанот кој ќе се одржи на 25 Март 2018 година, организацискиот тим планира две трки со различна должина и висинска разлика за да може учесниците да одберат достоен предизвик 40km/2,860m и 23km/1,400m.

Учесниците за време на трките ќе имаат прилика да ги посетат најубавите места на Водно – макотрпно пошумувани од нашите предци и да уживаат во прекрасните панорами кон Скопската Котлина и планините Скопска Црна Гора, Жеден, Караџица, Јакупица, Китка, а во далечина и живописниот Шарпланинскиот масив прошаран со остатоците од зимскиот снег.

На другата страна, кањонот Матка и реката Треска нудат несекојдневна природна архитектура во која се сплетени неколку средновековни цркви и манастири низ кои тркачите ќе поминат. Тие ќе го почувствуваат духовното богатство на ова место и ќе дознаат зошто Матка е едно од најпосетуваните туристички места во Македонија.

Ве покануваме да нѝ се придружите во новата пролетна авантура!

Официјално сместување

ОРГАНИЗАТОРИ

ВМТМ е организиран од ТРЕКС и ПСД МАКПЕТРОЛ.
Контактирајте нѐ тука. Ќе ни биде мило да ви помогнеме.

ВРЕМЕНСКИ ЛИМИТИ

Трката на 40 км има временски лимит од 10 часа, некои од вас ќе треба да носат челна ламба и да финишираат на самрак.
Трката на 23 км има лимит од 7 часа – нема многу време за опуштање.

ТРКАЧИ – ВНИМАНИЕ!

Овие трки не се за апсолутни почетници. Угорниците и удолниците се стрмни и со технички делови.
Мојт да туриват снег, дож, грат ампак горешчини да фатет дан не се издржвит.
Замолуваме да не се обидувате да трчате на ВМТМ доколку не сте целосно подготвени.

МЕТЕО УСЛОВИ

Просечната макс. температура на Водно околу 25 Март е 15°C, а просечната мин. е 5°C.
На 25 март часовникот се поместува за еден час напред!
Изгрејсонцето е во 6:29 часот а зајдисонцето во 18:51. Самрак има 30 мин. пред и после сонцето.