fbpx

Волонтирај

Несекојдневно доживување кое ти го стоплува срцето! Придружи ни се и поведи ги колегите или пријателите како ТИМ! 
Остави свој белег на настанот - забавувај се без граници! Ајде заеднички да придонесеме за подобро општество - придружи ни се и пријави се за волонтер!

Волонтерите мора да се полнолетни и да имаат навршени 18 години старост.
ПРИЈАВИ СЕ ТУКА

Убави задачи за убави луѓе

Подолу се само дел од многуте задачи кои треба да се извршат за да настанот помине во совршен ред. Пополни го формуларот за пријавување погоре и одбери си предизвик според твоите вештини!

Пред настан, за време и ден-два по настанот

Сакаш да бидеш најдобар волонтер? Распределба на намирници за контролни точки, подготовка на храна, мерење на времето на поминување на некоја зафрлена контролна точка, миење на садовите и бурињата после трка, маркирање и демаркирање и што уште не. Доколку си слободен било кога пред и за време на настанот - пријави се веднаш!
ПРИРАЧНИК ЗА ВОЛОНТЕРИ

Придобивки од волонтирањето на Водно-Матка

Забава без граници - остави свој белег на настанот;
Уникатно доживување кое долго време се помни;
Мултинационално искуство - подмачкај си го англискиот;
Позитивна енергија, милион насмевки и радости;
Брендиран подарок за секој волонтер.

Освежителни точки и контролни точки

На трките во планинско трчање вообичаено има од 5 до 10 освежителни точки (вклучувајќи ги стартовите на секоја трка и целта) и на нив потребни се најголем број од волонтерите. Некои точки се достапни со возило и асфалтен пат, други пак само со џип а до трети може само пешки да се стигне. Ќе сипуваш вода или ќе сецкаш храна или пак ќе ги насочуваш и ќе го забележуваш времето на поминување на тркачите. Можеби, твојот афинитет кон фотографија или видео, ќе придонесе во пренесување на импресиите од настанот во јавноста.

Чистење и маркирање на патеките

Во текот на неколку недели пред настанот, секој викенд се организираат акции каде што патеките низ кои што поминуваат трките се чистат од нарасната вегетација, паднати дрвја и фрлено ѓубре. Истовремено се маркираат делумно со пвц црвено-бели ленти. Во текот на последната недела пред трките се поминуваат повторно патеките и се домаркираат со знаменца и ноќна рефлектирачка маркација. Ова е идеален начин да се запознаете со маршрутите доколку на денот на трката сакате да трчате и воедно да придонесете на нашите напори на терен за поставување на патеките!

Медицински лица / спасители

Планинските трки побаруваат силна психо-физичка подготовка за да учесниците успешно ги завршат. Теренот наместа е суров и технички и претставува голема потенцијална опасност кон тркачите. Клучот на нивната безбедност се искусни волонтери со верификувано медицинско искуство/обуки. На секоја освежителна точка ќе има намалку едно медицинско лице кое во најмала рака ќе пружи прва помош на учесниците кои имаат мака.
За време на настанот – низ теренот ќе бидат распределени неколку тима од по 4-5 спасители кои најбрзо што е можно ќе реагираат на итен повик. Меѓутоа, доколку имаш искуство во престој во планина – твојот придонес ќе биде значаен на места каде што професионалната спасителна служба ќе биде најоддалечена.

Што е волонтерство?

Според Википедија, волонтерството е практика на луѓе кои работат за доброто на останатите, без мотив за каква било финансиска или материјална добивка. Волонтерството, општо земено, се смета за алтруистичка активност, наменета за промовирање општо добро или за подобрување на квалитетот на животот. Луѓето волонтираат и со цел да стекнат вештини без да е потребна финансиска инвестиција од страна на работодавецот.

Дефиниција

Согласно законот, терминот волонтер означува лице кое ги дава своите лични услуги, знаење и вештини, во корист на други лица, организации или институции, доброволно и без надоместок.

Какви вештини се потребни?

Доколку имаш било која посебна вештина како на пример здравствен работник (доктор/сестра/црвен крст обуки), обожуваш да готвиш во природа, си бил извидник или сеуште си дел од некој одред, активно планинариш, возиш теренско возило односно планински велосипед; се занимаваш со аматерска фотографија или едноставно подготвен си секаква работа; извести не со цел најдоброто од тебе да го искористиме.

ПРИЈАТЕЛИ ВО 2020 - FRIENDS IN 2020

starcheckclosealign-leftmedkitfort-awesome linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram