Во овие неизвесни времиња, секојдневно се надевавме дека ситуацијата со коронавирусот ќе се сврти кон подобро. Меѓутоа, и покрај сите наши надежи дека секој следен ден ќе биде се помалку опасен по здравјето на граѓаните, мораме да бидеме рационални.
Стартот на Водно-Матка Треил Маратонот наближува, и подготовките за настанот се при крај – маичките се печатат, медалите се изработуваат, храната се набавува, волонтерските списоци се финализираат.
Сепак, ситуацијата е вон наша контрола т.н. виша сила каде што мораме да ги следиме директивите од нашата Влада и Здравствените институции.
Затоа, во интерес на здравјето на сите натпреварувачи, волонтери, навивачи и јавноста во целост, ве известуваме дека Водно-Матка Треил Маратонот го одложуваме!!
Новата дата на трката е 19.07.2020 година!!
Љубезно ве замолуваме да ја разберете и почитувате нашата одлука со оглед на моменталните околности.
Така што рокот за пријавување го продолжуваме до 14.07.2020 година а за оние кои ќе бидат спречени да учествуваат налето, а согласно со правилата на настанот, рефундираме 50% од уплатената стартнина. Доколку сакате да ви вратиме 50% од уплатените средства, ве молиме контактирајте не на vodnomatka@gmail.com.
За останатите кои ќе трчаат, земајќи в предвид дека јули месец во Скопје е многу топол одлучивме Водно-Матка 2020 да биде ноќна трка! Добро разбравте, ќе се трча ноќе во црна темница и тоа без месечина: Водно-Матка Треил Маратон 42км – старт – 19.07.2020 во 00:01 часот (сабота кон недела). Водно-Матка Треил 28км – старт – 19.07.2020 во 04:00 (недела).
Се друго останува исто! Доколку имате прашања и нејаснотии, пишете во коментари или приватна порака по ФБ или на меил. Спортски поздрав, Организацискиот тим на Водно-Матка, ТРЕКС.
Здружението за спортови во природа ТРЕКС – организатор на третото издание на „Водно-Матка Треилс“,
делумно полу-автономна, планинска трка во природна средина, која се одржува во недела на 19.07.2020,
ТИ ПОСАКУВА ДОБРЕДОЈДЕ НА ВОДНО-МАТКА ТРЕИЛС 2020!
Пријавувањето се врши исклучиво онлајн со пополнување на формуларот подолу во прилог, и по успешното пополнување на пријавата за една од трките ќе добиеш автоматски генерирана потврда на e-mail адресата наведена во пријавата.
Пријавувањето ќе се смета за комплетирано само по успешно извршено плаќање на стартнината за трката по што ќе добиеш автоматски генерирана потврда на e-mail адресата наведена во твојата пријава. Истовремено, автоматски ти се доделува стартен број.
Пробивањето на временските рокови за пријавување и плаќање на стартнината доведува до анулирање на пријавата.
---------------------------------------------------------- Потребна ти е помош? Имаш проблеми со пријавувањето или плаќањето? Пиши ни e-mail на vodnomatka@gmail.com или прати ни порака на www.facebook.com/vodnomatka Јави ни се на 071 246 423 (пон.-пет. 09-17ч.)
