fbpx

Стартнина и рокови

Стартнината обезбедува стартен пакет со брендиран подарок и учество на една од трките на Водно-Матка Треил Маратонот. ВМТМ е организиран според врвни светски критериуми и остварените резултати се меѓународно верификувани од ИТРА.

Ова, меѓудругото, значи дека патеките се исчистени од вегетација и на секои 30 метри во просек има поставено маркација; на секои 5-10км има соодветно опремени освежителни станици; а планинско-спасителни тимови и медицинска лица се распределени низ целата трка.

Бранови на пријавување

Пријавувањето се прави исклучиво преку веб сервисот на vodnomatka.mk

Пријавувањето се затвора на 27.03.2020* - еден ден пред стартот на трките или до пополнување на бројот на учесници (450 севкупно)!


*Третиот краен рок е од 16.03.2020 до 27.03.2020 е по иста цена како во редовен рок но без брендирана маичка и без твоето име на стартниот број.

КОЈ РАНО РАНИ...

Промотивен период со попуст за плаќање на стартнината со вклучена брендирана маица.
Попустот трае до 31.12.2019!
ВОДНО ТРЕИЛ

600

Пријави се
ВОДНО-МАТКА ТРЕИЛ маратон

1,200

Пријави се
Цените се во денари.

РЕДОВЕН РОК

Износ на стартнина по редовна цена со вклучена брендирана маица. Трае од 01.01.2020 до 15.03.2020!
ВОДНО ТРЕИЛ

900

ВМ ТРЕИл МАРАТОН

1,500

Цените се во денари.

Елитните натпреварувачи имаат право на бесплатна стартнина за учество на една од трките на „Водно-Матка Треилс" и тоа врз основа на вредноста на нивниот ITRA Index of performance. Спортисти со ITRA Index 700+ (мажи) и 550+ (жени) мора прво да се пријават во онлајн системот и потоа да го известат организаторот по e-mail на vodnomatka@gmail.com најдоцна до 15 Март 2020, по што ќе им биде доделен стартен број.

Процес на пријавување и плаќање

1

НАЈПРВО ПРИЈАВИ СЕ ЗА ЕДНА ОД ТРКИТЕ

Пријавувањето се врши единствено на веб страната www.vodnomatka.mk преку успешно пополнување на пријавата за една од трките по што ќе добиеш автоматски генерирана потврда на e-mail адресата наведена во пријавата.

Пријавувањето ќе се смета за комплетирано само по успешно извршено плаќање на стартнината за трката по што ќе добиеш автоматски генерирана потврда на e-mail адресата наведена во твојата пријава.

2

ОНЛАЈН ПЛАЌАЊЕ СО КРЕДИТНА КАРТИЧКА 

ПРЕКУ ВЕБ СЕРВИСОТ НА ВОДНО МАТКА ТРЕИЛ МАРАТОН – www.vodnomatka.mk
Онлајн плаќањето се врши преку сигурносниот “3D Pay” систем на Халк Банка

Напомена: во онлајн наплаќањето ќе биде пресметана провизија од 4% за банкарски трошоци и одржување.

3

ПРЕКУ БАНКА НА ТРАНСАКЦИСКА СМЕТКА

Назив на налогопримач: ТРЕКС
Адреса: Ибе Паликуќа 17, 1000 Скопје

Трансакциска сметка: 270069272700140
Банка: Халк Банка
Цел на дознака: Водно-Матка Треилс.

Напомена: во цената не се вклучени банкарските провизии при плаќање преку банка.

Често поставувани прашања

Неколку пати се обидов да платам онлајн и не ми успева. Што да правам?
Ова може да значи една од следниве неколку работи: внесуваш погрешни податоци, картичката ти е истечена, во моментот немаш доволно средства на сметка. Исто така понекогаш се случува твојата банка автоматски да блокира трансакции кон странство односно кон други сервиси за плаќање. Исклучително ретко се случува веб сервисот да е недостапен (да се надградува) тогаш пробај повторно за некој час.   
Се повредив и нема да можам да учествувам! Дали може парите од стартнината да ми ги вратите?
Во случај на нехронична, остео-артикуларна или мускулна повреда здобиена по пријавувањето и несанирана до самата трка, и единствено во оваа ситуација докажана со медицинска документација, организаторот ќе ги префрли средствата за идното издание на „Водно Матка Треилс”. Но исто така можеш на друг да му го препуштиш стартниот број (мора да се пријави посебно до 15.03.2020).
Не ги разбрав брановите на пријавување?
Првиот рок за пријавување (онлајн пријава и плаќање на стартнина) почнува на 01.11.2019 и трае до 31.12.2019. Во цената е вклучен попуст и брендирана маичка. Вториот редовен рок е од 01.01.2020 до 15.03.2020 по редовна цена и со вклучена маичка. Третиот краен рок е од 16.03.2020 до 27.03.2020 по иста цена како во редовен рок но без брендирана маичка и без твоето име на стартниот број.
На денот на трка (28.03.2020) не е дозволено пријавување и/или плаќање.
Живеам надвор од Скопје и не сум во можност да дојдам навреме да го подигнам стартниот пакет. Може ли на денот на трката - пред самиот старт?
На денот на трката - пред самиот старт - не може да се подигне стартниот пакет.
Доколку не си во можност лично да го подигнеш стартниот пакет во предвидените термини - дозволено е трето лице да го подигне за тебе, но мора да го приложат Потврдниот емаил за успешно пријавување испратен до тебе и да покажат нивна лична карта/пасош.
Се пријавив и платив за едната трка но во меѓувреме се предомислив - дали може да се префрлам на другата?  
Префрлање од една во друга трка е дозволено најдоцна до 15.03.2020. Пиши ни на vodnomatka@gmail.com со лични податоци, на која трка си пријавен и на која трка се префрлаш.
За префрлање од подолга на пократка трка, не ја враќаме разликата во стартнината. А обратно, доколку се префрлаш од кратка на долга трка, треба да се доплати разликата од тoа што досега си платил.
Дали ќе добијам парична награда доколку победам на една од трките?
Наградите се доделуваат според дискреција на спонзорите и организаторот и според правилата на ITRA. Не-парични награди ќе им бидат доделени на првите 3 мажи и 3 жени на секоја трка. Секој учесник што ќе ја заврши трката во рамките на максимално предвиденото време ќе добие финишерски медал на целта. Наградите за најдобрите се доделуваат во Сабота 28.03.2020 во 16:00 часот на целта (планинарски дом на Врв Водно).

НЕ НАЈДЕ ОДГОВОР НА ТВОЕТО ПРАШАЊЕ?

Пиши ни или јави ни се

vodnomatka@gmail.com00389 71 246 423
starcloselockalign-left linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram